GLØD (2L13)
plateslepp på ”Prøverøret” (Bør og Børsen)
måndag 31. mars kl. 2030

I mange hundre år har mørke vinterdagar og lyse sommarnetter fått prege norske folkekunstnarar sine mange uttrykksmåtar. Troll og naturmystikk skapes der fantasien tolkar lys og mørke. Det er derfor berre naturleg at lyset speler ein så avgjerande rolle hos malarar og musikarar her i landet - eit lysspel som har gitt den norske folkekunsten ein sentral plass i europeisk samanheng.

Ein intens mørk glød pregar musikken på denne CD'en - konsentrert og tett formidla av to eminente kunstnarar. Den sterke og poetiske nerven frå folkemusikkarven er her kopla med djerv og intelligent polyfoni som fortel oss om kraften i ein levande tradisjon.

Det er spelemennene Mari Eggen og Helene Høye som nå slepp sin andre CD ti år etter plata ”Sprell levande” (Grappa 1993). Dette skjer under FolkemusikkPØBB på ”Prøverøret”, Bør og Børsen (Trondheimsveien 13) måndag 31. mars kl. 2030.

Plata kan tingast gjennom plateselskapet 2L, hos Musikkoperatørene AS eller på Musiconline.no.

Lydeksempel: Gåmmålkøllin (springleik etter Jon Stulen og Gåmmål-Sætrin)
(Mp3-format. Mp3-spelarar kan hentast gratis fra www.mp3.com)

Meir om artisten - Tidlegare månadsartistar - Norsk Folkemusikkatalog - Send konserttilbod